Бұл беделді шараға «Астана Балет» театрының әртістері қатысып, «Ұлы Дала мұрасы» дивертисментінің үзінділерін паш етпек. Қазақстанда ғана емес, шет елдерде де көрермен көкейінен шыққан концерттік бағдарлама – театрды әйгілеп тұрған дүниеге айналды.
Концерттік бағдарламаны қойған Қазақстанның еңбек сіңірген қайраткері Айгүл Тәти этнографиялық материалдың байлығын заманауи хореографиялық әдістермен үйлестіре білді. Бағдарламаның әр биі дара қойылым іспетті: ұлан-байтақ даланың тартымдылығын әйел бейнесі арқылы суреттеп, халқымыздың рухани құндылығын, салт-дәстүрі мен жоралғысын сипаттайды.
«Ұлы Дала мұрасы» – қазақ мәдениетінің әсемдігі мен сан қырлы болмысы жайлы пластикалық әңгіме іспетті. Бағдарлама аясын да лирика мен ой -толғамға толы композициялар, жігерлі әрі экспрессиялы миниатюралар, сондай-ақ философиялық тұрпаттағы қойылымдар жинақталған . Кең пішілген, жарқын әрі талғампаз ою-өрнекке бай х алық костюмдері ерекше әсер қалдырады. Әр бейне ежелгі дәстүр, көшпелі мәдениетті сипаттайтын ою- өрнек символикасы мен табиғ ат сырын ашқандай .
Бағдарламаға енген хореографиялық миниатюралар әртүрлі стильде және әртүрлі көркемдік әдістерді қолдана отырып, қазақ халқының тарихын, бай дәстүрі ме н Отанымыздың әсем табиғатының сұлулығын көрсетеді. Эстетика, көз жауын алар көркем бейнелер, әсем костюмдер мен қазақ хореографиясының мағына лық тереңдігі дүниежүзі көрермен ін тәнті етіп келеді .
« Астана Балет » театрының Чхонан-2025 дүниежүзілік фестиваліне қатысуы халықаралық мәдени ынтымақтастықты дамыту дың даңғыл жолы . Корей сахнасында өнер көрсету қазақ мәдениетінің ғасырлар бойғы мұрасын кең аудиторияға паш етуге , түрлі елдер арасындағы өзара түсіністікті нығайтуға және би өнері халықтарды біріктіретін әмбебап тіл екенін көрсетуге мүмкіндік береді.
