Елімізде мектеп жасындағы балаларға профилактикалық стоматологиялық көмектің қолжетімділігін арттыру мақсатында «Болашаққа сау тіспен» бағдарламасы қосылған. Соның арқасында елімізде 124 стоматологиялық кабинет ашылды, – деп хабарлайды Aikyn.kz.
Профилактика кабинеттерінде оқушылар жеке тәсілмен кешенді стоматологиялық көмек алады. Оған мыналар кіреді:
стоматологиялық аурулардың ерте диагностикасы;
тіс дәрігеріне уақытылы емделуге жолдама;
ауыз қуысының гигиенасы ережелеріне үйрету;
балалармен, педагогтермен және ата-аналармен санитариялық-ағарту жұмыстары.
Мектепке дейінгі мекемелерде балалар мен олардың ата-аналарында ауыз қуысына күтім жасаудың тұрақты дағдыларын қалыптастыруға бағытталған арнайы гигиеналық бұрыштар құрылады. 2025 жылы БҰҰ Балалар қорының (ЮНИСЕФ Қазақстан) қолдауымен стоматологиялық аурулардың профилактикасы бойынша 2 700-ден астам мейіргер оқытудан өтті.
«Болашаққа сау тіспен» бағдарламасын іске асыру жас кезінен бастап дұрыс гигиеналық әдеттерді қалыптастыруға және стоматологиялық ауруларды ерте анықтауға — тісжегінің таралуы мен оның асқынуларының төмендеуінің негізгі факторына бағытталған және балалардың жалпы денсаулығын сақтауға ықпал етеді.
