Франция құрамасы АҚШ, Канада және Мексикада өтіп жатқан 2026 жылғы әлем чемпионатын жеңіспен бастады, деп хабарлайды astana24.com тілшісі.
I тобының бірінші турында Франция Сенегалмен кездесті. Матч АҚШ-тың Ист-Ратерфорд қаласындағы "Метлайф" стадионында өтті.
Француздар шабуылшы Килиан Мбаппенің дублінің (66 және 90+6-минуттарда) және шабуылшы Брэдли Барколдың (82-минутта) голының арқасында 3-1 есебімен жеңіске жетті. Вингер Майкл Олисе мен жартылай қорғаушы Адриен Рабьо нәтижелі пастарымен ерекшеленді.
Сенегалдықтардың жалғыз голының авторы – шабуылшы Ибрагим Мбайе (90+5), оған жартылай қорғаушы Илиман Ндиайе көмектесті.
Бұл жеңіс екі дүркін әлем чемпиондарына үш ұпай жинауға мүмкіндік берді.
Айта кетейік, 12 топтың әрқайсысынан үздік атанған екі команда плей-офф кезеңіне өтеді. Үшінші орын алған сегіз үздік команда да 1/16 финалға жолдама алады.