Үкімет отырысында өнеркәсіп және құрылыс министрі Ерсайын Нағаспаев Қазақстанда автокөліктерді халыққа қолжетімді ету жоспарланып отырғанын мәлімдеді, деп хабарлайды astana24.com.
"Халық үшін автокөліктердің қолжетімділігін арттыру. Осы мақсатта автонесие беру және лизинг тетіктерін жетілдіру, оның ішінде борыштық жүктеме коэффициентін алып тастау және жеке тұлғалар үшін автолизингті дамыту көзделіп отыр", – деді өнеркәсіп және құрылыс министрі.
Сондай-ақ елде отандық өндірушілер мен импорттаушылар үшін тең бәсекелестік жағдайын жасау және заңсыз схемалардың алдын алу мақсатында автокөлік импорты кезінде заңнама талаптарының сақталуы қадағаланатын болады.
