The Blast басылымының жазуынша, Леди Гага мен Майкл Полянскидің жаңа туған қызы Роуз Биннің есімі француз әнінің кавер-нұсқасымен және музыкалық белсендімен байланысты болуы мүмкін, деп хабарлады astana24.com.
Әнші Леди Гага мен оның сүйіктісі Майкл Полянски жаңа туған қыздарына Роуз Бин Полянски деген есім берді. Сәби 9 маусымда Лос-Анджелестегі "Сидарс-Синай" медициналық орталығында дүниеге келді. Баланың есімі әнші үшін ерекше мағынаға ие.
Роуз есімі әнші "Жұлдыз туды" фильмінде орындаған Эдит Пиафтың әйгілі La Vie en Rose композициясына қатысты қойылған. Сондай-ақ әртістің арқасында раушан гүлі мен осы әннің аты жазылған татуировка бар. Екінші есімі Бин, шамасы, Леди Гаганы Born This Way хитін жазуға шабыттандырған I Was Born This Way әнінің авторы, музыкант әрі белсенді Карл Биннің құрметіне берілген көрінеді. 2024 жылы некелерін қиюға ниетті екендерін жариялаған жұп әзірге көпшілік алдында пікір білдіруден бас тартып отыр.
