Картина 1993 жылғы NFL финалының форматын түбегейлі өзгерткен ауқымды шоудың құпиясын ашады, деп жазды rttnews-ке сілтеме жасаған astana24.com.
Hulu мен ESPN платформалары Spectacle: Michael Jackson at the Super Bowl толықметражды деректі фильмін түсіру қолға алынғанын жария етті. Жоба 1993 жылғы 31 қаңтарда Калифорния штатының Пасадена қаласындағы "Роуз Боул" стадионында өткен Супербоул XXVII финалының үзілісіндегі Майкл Джексонның мәдениетке ықпал еткен өнеріне арналған. Картинаның режиссері әрі продюсері – Бао Нгуен.
Фильм Джексон мен оның командасының бұрын-соңды жарияланбаған дайындық барысындағы бірегей мұрағаттық кадрларын көрсетуге уәде береді. Поп-корольдің өнері матчтың дәстүрлі музыкалық үзілісін әлемдік деңгейдегі жеке оқиғаға айналдырып, шоу-бизнес жұлдыздары үшін жаңа стандарт белгіледі.
Фильмнің продюсерлері – Skydance Sports компаниясынан Джесси Сисголд, Джон Вайнбах және Лорен Гаффни, Optimum Productions компаниясынан Джон Бранка және Into the Deep End Films компаниясынан Амит Дей. Атқарушы продюсерлер – Optimum Productions компаниясынан Карен Лэнгфорд, сондай-ақ NFL Films компаниясынан Росс Кетовер, Кен Роджерс, Кит Коссроу және Джессика Бодди.
Авторлар картинаның алғашқы тизерін ұсынды. Қысқа роликте Майкл Джексонның көп мыңдық стадион аудиториясы алдында өзінің әйгілі милитари-костюмімен сахнада тұрған кадрлары көрсетілген. Деректі фильмнің премьерасы 2027 жылдың ақпанында Hulu және ESPN сервистерінде көрсетіледі деп жоспарланған.