Жарысты Зайсан қаласының оқ ату орталығының төрешілері ұйымдастырды. Қатысушы қыздардың ұлттық киіммен өнер көрсетуі/ шараның ерекшелігін айқындай түсті. Жеңімпаздар арнайы дипломдар мен бағалы сыйлықтармен марапатталды.
Зайсан ауданынан соғысқа 7 мыңнан астам адам шақырылған. Оның 2 мыңға жуығы майданда қаза тапқан. Зайсан ауданынан шыққан батырлар: Кеңес Одағының Батыры Василий Головченко, үшінші дәрежелі «Даңқ» орденінің иегері Қыдырпатша Бокажанов, соғыс батырларына теңестірілген Ғадылбек Сарсекееев пен Виктор Гутовский.
Сонымен қатар 58 адам «Қызыл Жұлдыз» орденімен, 3 адам «Қызыл Ту» орденімен, 590 адам I және II дәрежелі «Жеңіс медальдарымен», 12 адам II-III дәрежелі «Құрмет орденімен» марапатталған. Бір азамат – «Құрмет орденінің» толық иегері.
Қазіргі таңда ауданда бір соғыс ардагері – 102 жастағы Закен Құрманқожанов тұрады. Ардагер туралы деректі фильм түсірілді. Ол Жеңіс күні қарсаңында көрсетіледі.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.