Бас қалаға Бразилия мемлекетінің боксшылары келіп жетті, – деп хабарлайды Aikyn.kz.
Бразилияның ерлер командасында Панамерика ойындарының күміс жүлдегері Майкл Триндад 55 келіде өнер көрсетеді.
ҚР Бокс федерациясы мәліметінше, әйелдер сапында Олимпиада ойындарының 2 дүркін жүлдегері Беатрис Феррейра бар. Ол 2020 жылы Токио Олимпиадасында күміс, 2024 жылы Парижде қола медальға қол жеткізген. Әлем чемпионатында 2 рет топ жарған.
Сонымен қатар 51 келіде 2024 жылы Панамерика ойындарының жеңімпазы Каролин Алмейда да қатысады.
Екі күннен кейін Астанада дүбірлі дода жалауын көтереді. Аталған бәсекеге 30 мемлекеттен 300-ге жуық боксшы бақ сынайды.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.
