SMARTNEWS.KZ басылымының хабарлауынша, қазақстандық кәсіпқой боксшы Алмат Жұман кәсіпқой бокстан UBO Continental чемпиондық белбеуі үшін рингке шығады.
Кездесу 30 тамызда Эквадор астанасы Китода өтеді. Отандасымыздың бұл жолғы қарсыласы – boxrec рейтингі бойынша Эквадорда бірінші сатыда тұрған Диего Киноньес. Кездесу 10 раундқа жоспарланған. Спортшылар супер орта салмақ дәрежесінде жұдырықтасады. Отандасымыз кештің басты қонағы ретінде шаршы алаңға шығады.
Еске салайық, Алмат Жұман Конор Макгрегордың BKFC лигасымен келісімшартқа отырған алғашқы қазақ.
Аталған бокс кеші 30 тамыз 16:00-де (Астана уақытымен 31 тамыз, 02:00) басталады.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.
