Қазақстан құрамасының балуандары Марат Байқамұров пен Бақжан Байтас Астанадағы Qazaqstan barysy Grand Slam турнирінде жеңіс тұғырының үшінші сатысына көтерілді, – деп хабарлайды Аikyn.kz
Қазақстан Республикасы Ұлттық олимпиадалық комитеті таратқан мәліметке сәйкес, Марат Байқамұров 100 келіге дейінгі салмақта ливандық Карамноб Сагаиповпен кездесті. Нәтижесінде, Марат Байқамұров қосымша уақытта иппонмен жеңіске жетті.
Ал Бақжан Байтастың қарсыласы ресейлік Адам Сангариев жарыстан бас тартты. Осылайша, отандасымыз қола жүлдегер атанды.
Сондай-ақ бүгін 100 келіден жоғары салмақ дәрежесіндегі финалдық бәсекеде Ерасыл Қажыбаев Хега Отамен өзара мықтыны анықтайды.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз
