Боксшы, Париж Олимпиадасының қола жүлдегері Назым Қызайбай қайырымды іс жасап, жұрттың сүйіспеншілігіне бөленді, – деп хабарлайды Aikyn.kz.
Боксшы биыл 1-сыныпқа баратын 40 баланың мектепке дайындығына демеушілік жасап, көпбалалы отбасыларға көмектескен.
«Жаттығудан кейін өзіме тәнті болып келе жатырмын. Минус 2 миллион, 40 бақытты бала + күлімдеген көпбалалы ата-аналар. Жақсылық санмен емес, жүрекпен өлшенеді», – деді боксшы.
Спортшы бұл істі алдағы уақытта жалғастыруға ниетті екенін жеткізді.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.
