in

Рыбакина US Open чемпионын ұтты

Қазақстандық теннисші Елена Рыбакина (WTA рейтингінде 10-орын) US Open-2025 турнирінде үшінші жеңісіне қол жеткізді.

Үшінші айналымда Рыбакина турнирдің 2021 жылғы чемпионы, британиялық Эмма Радуканумен (36-орын) кездесті. Елена қарсыласын 6:1, 6:2 есебімен екі сетте сенімді түрде ұтып, 1/8 финалға жолдама алды. Ал Радукану жарысты мерзімінен бұрын аяқтады.

Айта кетейік, бұған дейін Елена америкалық теннисші Джульетта Парехадан (335-орын) – 6:3, 6:0 есебімен, сондай-ақ чехиялық Тереза Валентовтан (96-орын) 6:3, 7:6 есебімен басым түскен еді.

Биылғы US Open турнирінің жеңімпазы рекордтық көлемде сыйақы алады – 5 миллион доллар. Ал қазіргі чемпион атағы әлемнің бірінші ракеткасы, Беларусь елінің өкілі Арина Соболенкоға тиесілі.

Сараптама, зерттеу мақала, күнделікті өзекті ақпаратты «Айқынның»  TELEGRAM  арнасынан табасыз.