in

21-27 шілде аралығында қандай спорттық жарыстар өтеді?

Туризм және спорт министрлігі әлемде және Қазақстанда өтетін спорттық сайыстардың кестесін жариялады, – деп хабарлайды  Aikyn.kz.

21-30 шілде: Тоғызқұмалақтан әлем кубогы

Жарысқа Қазақстан, Чехия, Румыния, Түркия, Қырғызстан, Мажарстан, Польша, Аустрия, Словакия, Молдова, Болгария және Сербиядан 50-ге жуық спортшы қатысады.
Өтетін орны: Пардубице қаласы, Чехия

22-30 шілде: Семсерлесуден ересектер арасындағы әлем чемпионаты
Қазақстан құрамасы сапында 24 спортшы өнер көрсетеді.
Өтетін орны: Тбилиси қаласы, Грузия

22-29 шілде: Таеквондодан кадеттер және юниорлар арасындағы Азия чемпионаты
Еліміздің атынан 14 спортшы сынға түседі.
Өтетін орны: Кучинг қаласы, Малайзия

23-27 шілде: Байдарка мен каноэ есуден жастар және U23 арасындағы әлем чемпионаты
Бұл жарысқа Қазақстаннан 18 спортшы қатысады.
Өтетін орны: Монтемор-у-Велью қаласы, Португалия

24-27 шілде: Белбеу күресінен ерлер мен әйелдер арасындағы Қазақстан кубогы
Байрақты бәсекеге еліміздің 16 өңірінен 250-ге жуық спортшы қатысады.
Өтетін орны: Ақтау қаласы

25-27 шілде: Дзюдодан Grand Slam халықаралық турнирі
Халықаралық додада Қазақстаннан 7 дзюдошы татамиге шығады.
Өтетін орны: Ұлан-Батыр қаласы, Моңғолия

21-26 шілде: Phygital Games 2025 халықаралық турниріне іріктеу жарысы
Фиджитал-футбол және фиджитал-баскетбол бойынша өтетін республикалық турнирге еліміздің 6 өңірінен 16 команда қатысады.
Өтетін орны: Астана қаласы, Ж.Үшкемпіров атындағы жекпе-жек сарайы.

Сараптама, зерттеу мақала, күнделікті өзекті ақпаратты «Айқынның»  TELEGRAM арнасынан табасыз.