Мемлекет басшысының тапсырмасына сәйкес, еліміздің шығысындағы көрікті аймақта заманауи әуежайлардың құрылысы басталды. Ауданы 4 мың шаршы метр болатын жаңа әуежай сағатына 150 жолаушыны қабылдай алады. Сондай-ақ халықаралық бағыттарға да рейстер ашылады.
Зайсан мен Қатонқарағайдағы әуежайларды 1 жыл ішінде салу жоспарланып отыр. Бұл – рекордтық көрсеткіш. Құрылыс аяқталғаннан кейін әуежайда қызмет көрсетуге жүздеген маман қажет болады. Ал оларды жергілікті білім ордаларында оқыту жоспарланып отыр.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.
