Bgr.com сайтының хабарламасына сүйенген Aikyn.kz жаңа смартфондардың сатылымға шығарылу мерзімдерімен таныстырады.
Биыл 4 iPhone 17 моделінің кез келгенін сатып алу жеңіл болатын сияқты. Фото championat.com сайтынан алынды. Авторлығы: Apple Hub
Awe Dropping презентациясында төрт жаңа iPhone 17 моделі, үш жаңа Apple Watch моделі және AirPods Pro құлаққаптарының үшінші буыны ұсынылады деп күтілуде.
Көпшілік компанияның бұл жаңалықтарды ресми түрде растауын немесе жаңа тосынсыйлар ұсынуын күтіп отыр. Ал нағыз берілген iPhone тұтынушылары алдын ала тапсырыс беру батырмасын басып, жаңа құрылғылардың алғашқы иегерлерінің бірі болуға дайындалып жатыр.
Алдыңғы жылдардан айырмашылығы, биыл Apple өндірісте ешқандай қиындықтарға тап болмаған сияқты. Сондықтан төрт iPhone 17 моделінің кез келгенін сатып алу жеңіл болатын сияқты.
Бұрынғы жылдары, керісінше, iPhone Pro және iPhone Pro Max үлгілерін сатып алу қиынға соғушы еді. Жеткізілімдердің кешігуі, эксклюзивті компоненттердің (мысалы, iPhone 15 Pro Max-тағы 5 есе үлкейтетін телескопиялық линза) немесе белгілі бір түске деген шамадан тыс сұраныстың әсері болушы еді.
«Алмалы» өнімдердің жанкүйері болсаңыз жаңа iPhone 17 үлгілеріне алдын ала тапсырыс беріп, сатып алу уақытын біле жүріңіз.
Apple компаниясы алдыңғы жылдары iPhone үлгілерін алдын ала тапсырыс пен жалпы сатылымға қалай шығарғаны туралы ақпарат. Егер Apple осы дәстүрді сақтаса, iPhone 17 үлгілері 12 қыркүйекте алдын ала тапсырысқа шығып, 19 қыркүйекте ресми сатылымға шығуы мүмкін. Соңғы бірнеше жылда компания осылайша алдын ала тапсырыс пен сату үдерісін жүргізіп келеді.
iPhone 17 үлгілерінің жаңа бағасы әзірге белгісіз. Бірақ компания тапсырыс беру процесін өзгертпейтін сияқты. Алғашқы партия Америка, Еуропа және Азия нарықтарына қолжетімді болады деп күтілуде. Бұрынғы үлгілердің ресми таныстырылым және сату кестесі мынадай болған:
iPhone 16: 9 қыркүйек (дүйсенбі) күні жарияланды, алдын ала тапсырыс 13 қыркүйекте (жұма) басталды. Ресми сатылым 20 қыркүйекте (келесі жұма) өтті.
iPhone 15: 12 қыркүйек (сейсенбі) күні жарияланды, алдын ала тапсырыс 15 қыркүйекте (жұма) басталды. Ал ресми сатылым 22 қыркүйекте (келесі жұма) өтті.
iPhone 14: 7 қыркүйек (сәрсенбі) күні жарияланды, алдын ала тапсырыс 9 қыркүйекте (жұма) басталды. Ресми сатылым 16 қыркүйекте (келесі жұма) өтті.
Сондықтан биылғы 12 қыркүйекті iPhone 17-нің алдын ала тапсырыс күні, ал 19 қыркүйекті ресми сату күні ретінде белгілеу қисынды болады. Apple компаниясы өнімдерді, күндерді, бағаларды және басқа ақпаратты ресми сайты мен әлеуметтік желілер арқылы жариялайтын болады.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.
