Желіде маңғыстаулық Салтанат Аманқосова есімді блогер екінші рет тұрмыс құрды, – деп хабарлайды Aikyn.kz сайты.
“Қазақтың салт-дәстүрі: екінші рет тұрмыс құратын әйелдің бетін ашпайды. Ақ орамалды анасы үйінен шыққан кезде иығына жауып жібереді. Келін болып түскен үйде анасының жапқан ақ орамалын ауыстырады. Орамал ауыстыру салт-дәстүрі. Орамал ауысқаннан кейін, келін-шәй”, – деп жазды ол.
Желі қолданушылары мұндай салттың барын алғаш рет естіп жатқанын жазды, ал кейбірі екінші рет тұрмысқа шыққан қыздардың беташары болатынын да жеткізді.
Сондай-ақ блогер сырға салу дәстүрін де түсіндіріп кетті.
“Енем құлағыма бриллиант сырға мен сақинаны арнайылап өзі салды. “Өзіме жақын болсын деп ниеттеніп, өзім сырға салғым келді” деді”, – деп жазды ол.