Жуырда ғана министрге қатысты жалған ақпарат тараған еді. Бүгін Мұрат Нұртілеу ел алдына шығып, Президент Жолдауын тыңдауға бара жатқан сәтінде журналистер оған бірнеше сұрақ жаудыртты, – деп хабарлайды Aikyn.kz сайты.
Оған “бұған дейін қайда болдыңыз?”, “Жалған ақпарат таратқанды не істейсіз?” дегендей сауалдар қойды.
«Телефон арқылы әріптестеріммен сөйлестім. Инвесторлармен келіссөздер өткіздім. Біз зайырлы мемлекетте тұрып жатырмыз. Онымен де айналысатын жауапты органдар бар. Солар айналыссын», – деді Сыртқы істер министрі Мұрат Нұртілеу.
