Аты аңызға айналған әнші Бибігүл Төлегенованың халін біліп, арнайы үйіне барып, кіріп шыққан әріптес сіңлілері оған әлі күнге дейін «Еңбек Ері» атағы берілмегенін айтты, – деп хабарлайды Аikyn.kz. Бұл туралы әнші Мақпал Жүнісова өзінің Instagram парақшасында жазды.
Оның айтуынша, қазақтың бұлбұл әншісі 95 жасқа келгеніне қарамастан атақ алмаған.
– Қазақтың ұлы әншісі, бұлбұлына Бибігүл Төлегеноваға осы күнге дейін «Еңбек Ері» деген атақ берілмегенін бүгін қызының аузынан естіп, таңғалдым. Арамызда жүргенінде неге 95 жасқа дейін марапаттамаған екен?, – деді жазды Мақпал Жүнісова.
Жайған дастарханнан дәм татып, қонақ болған Мақпал Жүнісова мен Майра Ілиясова жезтаңдай әншіге сый-cияпат көрсетіп, бағалы ішік тарту етті.
«Мақпал екеуімізден бөлек, тағы бір халық әртісі Роза Рымбаева үшеуіміз сізге құрмет көрсеткіміз келді. Бірақ Роза Ақтөбедегі іс-шараға аттанып кеткендіктен келе алмады», – деді Майра Ілиясова.
Посмотреть эту публикацию в Instagram
Публикация от Мақпал Жүнісова (@zhunusova.makpal)
Алайда Wikipedia-да Бибігүл Төлегенованың 1991 жылы Социалистік Еңбек Ері атағы алғаны көрсетілген.
