Akimich лақап атымен танылған музыкант Айдос Нұрмұхамедов шешесінің тегіне жазылғанын айтты, – деп хабарлайды Аikyn.kz. Ол бұл туралы “ҚызықTimes” бағдарламасына сұхбат берген.
Айдос пен Bimo ретінде белгілі Бейімбет Еділді бүгінгі күнде тыңдармандары “Ұмыттың ба?”, “Хаттарым”, “Сүйе тұра” әндері арқылы жақсы біледі. Жақында екеуінің Тұрармен айтқан фиті жуырда Youtube желісінде 40 миллионнан астам қаралым жинаған.
Олардың айтуынша, әндерін үйде, ешқандай кәсіби аппараттарсыз жаза бастағанын және бастапқыда қарызға жазған екен. Айдос Нұрмұхамедов өзінің кәсіби музыкалық білімі жоқ және мамандығы аспаз екенін айтты.
– Менің Akimich лақап атым есімім, тегім әкемнің атынан құралған. Аты-жөнім – Айдос Ким Нұрмахамедович негізі. Akimich деп осы аты-жөнімнің қысқартылған нұсқасы. Анам – кәріс қызы, әкем – қазақ. Туған кезде анам тегін берген. Тез жатталып қалады деп осы лақап атты таңдадым”, – деді музыкант.