Өткен жылы Маңғыстау облысының прокуратурасы мұнай-газ кәсіпорындарында тексеру жүргізді, – деп хабарлайды Aikyn.kz.
Облыстық прокуратура мәліметінше, тексеру нәтижелері бойынша West Oil Software ЖШС қызметінде материалдық қамтамасыз ету саласындағы бұзушылықтар анықталып, сотқа дейінгі тергеп-тексеру басталды.
Тергеу аясында кәсіпорында негізгі басшылық қызметтерді атқарған 3 адам ұсталды.
Сот шешімімен кінәлілерге әртүрлі жаза түрлері тағайындалды.
Атап айтқанда, кәсіпорын басшыларының бірі бюджет қаражатын ұрлағаны үшін сот үкімімен кінәлі деп танылып, 3 жыл 2 айға бас бостандығынан айырылды.
Соттың қылмыстық істі мәні бойынша қаралу барысында сотталғандар 261 млн теңге көлемінде шығынды өтеген.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.
