Грек-рим күресінен Қазақстан ұлттық құрамасының өкілі Мейіржан Шермаханбет 2026 жылғы жазғы Азия ойындарында қола медаль иеленді, деп хабарлайды astana24.com тілшісі.
Үшінші орын үшін өткен белдесуде қазақ балуаны моңғолиялық Ганбаяр Намсраймен кездесті. Шермаханбет жекпе-жек барысын толық бақылауында ұстап, қарсыласына бірде-бір ұпай алуға мүмкіндік бермеді.
Қазақ спортшысы техникалық басымдығының арқасында 11:0 есебімен мерзімінен бұрын жеңіске жетіп, ұлттық құрама қоржынына 2026 жылғы Азия ойындарының тағы бір қола жүлдесін салды.
Қазіргі уақытта ұлттық құрама еншісінде 56 медаль бар, оның 9-ы алтын, 16-сы күміс және 31-і қола жүлде.
