Жапонияның Айти-Нагоя аймағында өтіп жатқан 2026 жылғы Азия ойындарында пара дзюдодан Қазақстан құрамасы жалпыкомандалық медальдық есепте бірінші орын иеленді, деп хабарлайды astana24.com Ұлттық Паралимпиада комитетіне сілтеме жасап.
Үш жарыс күнінің қорытындысы бойынша қазақстандық пара дзюдошылар 13 медаль жеңіп алды – 5 алтын, 1 күміс және 7 қола. Медальдық есепте Өзбекстан құрамасы екінші, Қытай құрамасы үшінші орын алды.
Пара дзюдодан Қазақстан құрамасы Ойындардағы ұлттық делегацияның ең көп спортшы қатысқан командаларының бірі болды – бұл спорт түрінде ел намысын 26 спортшы қорғады.
Жарыс күндері Қазақстан Республикасының Ұлттық Паралимпиада комитетінің президенті Кайрат Боранбаев спортшылар және құраманың жаттықтырушылар штабымен кездесті. Ол сол уақытқа дейін жеңіп алынған медальдармен команданы құттықтап, спортшылармен әңгімелесті және жарысты сенімді жалғастырып, сәтті аяқтауға тілектестік білдірді.
Турнир қорытындысы бойынша Қазақстан құрамасы жалпыкомандалық есепте бірінші орынмен жарысты аяқтады.
Посмотреть эту публикацию в Instagram
Публикация от KAZAKHSTAN PARALYMPIC TEAM (@kazparalympics)
