Әнші Бритни Спирс Теннесси штатында орналасқан Долливуд тақырыптық саябағына ұлдарымен бірге барған сапарынан алған әсерімен бөлісті, деп жазды People басылымына сілтеме жасаған astana24.com.
Әнші әлеуметтік желіде саяхаттан түсірілген кадрларды жариялап, Долли Партон негізін қалаған саябақтың бар екенін бұрын білмегенін сөз етті.
Спирс бұл жердің атмосферасына, аттракциондарға және есейіп қалған ұлдары Шон-Престон мен Джейден-Джеймспен бірге өткізген уақытына дән риза болғанын айтты.
Әртіс үшін бұл сапар отбасы ортасында демалудың сирек мүмкіндігі болды. Соңғы жылдары Спирс ұлдарымен түскен ортақ кадрларды сирек көрсетеді, сондықтан олардың ойын-сауық саябағындағы отбасылық суреттерде көрінуі әншінің жанкүйерлері арасында ерекше қызығушылық тудырды.
