Жексенбі, 3 мамырда ауа райының нашарлауына байланысты бүкіл Қазақстан бойынша ескерту жарияланды, деп хабарлайды astana24.com Қазгидрометке сілтеме жасап.
Түркістан облысының батысында, солтүстігінде және оңтүстігінде, сондай-ақ таулы және тау бөктеріндегі аудандарында найзағай жарқырап, жаңбыр мен бұршақ жаууы мүмкін. Облыстың таулы және тау бөктеріндегі аудандарында нөсер жауып, бұршақ жауады деп күтілуде. Облыстың солтүстігінде жоғары өрт қаупі бар.
Шымкентте жаңбыр, найзағай және бұршақ күтілуде. Жел солтүстік-батыстан солтүстік-шығысқа ауысып, екпіні 15-20 м/с дейін жетеді.
Алматы облысының тау бөктері мен таулы аудандарында нөсер, бұршақ жауып, қатты жел тұруы мүмкін. Күндіз батыста және оңтүстікте, сондай-ақ облыстың тау бөктері мен таулы аудандарында найзағай күтіледі. Батыстан соққан желдің жылдамдығы 15-20 м/с дейін, батыста, шығыста және оңтүстікте, сондай-ақ облыстың таулы аудандарында 25 м/с-қа дейін жетеді.
Алматыда күннің соңына қарай жаңбыр жауады. Күндіз найзағай ойнайды деп күтілуде. Батыстан соққан желдің жылдамдығы 15-18 м/с болады.
Атырау облысының батысында және солтүстігінде жаңбыр жауып, найзағай ойнайды деп күтілуде. Оңтүстік-шығыстан соққан желдің жылдамдығы 15-20 м/с жетеді.
Ақтөбе облысында аздаған жаңбыр жауып, найзағай ойнайды. Солтүстікте күндіз солтүстік-шығыстан соққан жел оңтүстікке ойысады, облыс орталығында оның екпіні 15-18 м/с жетеді. Облыстың оңтүстігінде жоғары өрт қаупі сақталады.
Солтүстік Қазақстан облысында түнде батыстан соққан желдің жылдамдығы 15-20 м/с болады деп күтілуде. Облыстың батысында түнде ауа температурасы 1°C дейін түсіп, үсік жүреді.
Абай облысында желдің екпіні 15-20 м/с дейін жетуі мүмкін. Облыстың шығысында, оңтүстігінде және орталығында жоғары өрт қаупі сақталады.
Жетісу облысының таулы аумақтарында жаңбыр жауып, найзағай ойнайды деп күтілуде. Желдің екпіні 15-20 м/с-қа жетеді. Облыстың батыс және солтүстік бөліктерінде жоғары өрт қаупі сақталады.
Ұлытау облысында жаңбыр жауып, найзағай ойнайды. Солтүстік-шығыстан соққан желдің жылдамдығы 15-18 м/с дейін жетуі мүмкін. Облыстың шығысында және орталығында өрт қаупі жоғары.
Батыс Қазақстан облысының батысында, солтүстігінде және шығысында жаңбыр жауып, найзағай ойнайды деп күтілуде. Түнде және таңертең облыстың солтүстігі мен шығысында тұман түсуі мүмкін. Желдің екпіні 15-20 м/с дейін жетеді.
Қызылорда облысының шығысы мен орталығында жаңбыр, найзағай, шаңды дауыл және жел күтіледі. Солтүстік-шығыстан, шығыстан соғатын желдің жылдамдығы 15-20 м/с дейін жетеді. Облыстың шығысында, оңтүстігінде және орталығында жоғары өрт қаупі сақталады.
Қостанай облысының батысында және солтүстігінде аздаған жаңбыр жауып, найзағай ойнайды деп күтілуде. Түнде және таңертең облыстың батысында және солтүстігінде тұман түседі.
Қарағанды облысының оңтүстігі мен шығысында жаңбыр жауып, найзағай ойнайды. Желдің жылдамдығы 15-20 м/с дейін жетуі мүмкін. Облыстың батысында, солтүстігінде және оңтүстігінде жоғары өрт қаупі сақталады.
Павлодар облысының ауа температурасы 1 градусқа дейін төмендеп, үсік жүреді деген болжам бар. Облыстың солтүстігінде, батысында, шығысында жоғары өрт қаупі сақталады.
Шығыс Қазақстан облысының батысында өрт қаупі жоғары деңгейде сақталуда.
Жамбыл облысының батысында, солтүстік-батысында және оңтүстігінде, сондай-ақ таулы аудандарда жаңбыр, найзағай, бұршақ және дауыл күтілуде. Облыстың таулы аудандарында қатты жаңбыр жаууы мүмкін. Түнде және таңертең таулы аудандарда тұман түседі.
Маңғыстау облысында тұман түсуі мүмкін.
Ақмола облысында тұман күтілуде. Облыстың батыс бөлігінде түнде температура 2°C дейін төмендеп, үсік жүреді деп күтілуде.