Алматы облысында 10 жастағы бала суға шомылып жүргенде ағыспен жағадан алыстап кеткен. ТЖМ құтқарушылары карьердегі аралшықта қалған балаға көмек көрсетті, деп хабарлайды astana24.com ведомствоның баспасөз қызметіне сілтеме жасап.
Жексенбіде 112 пультіне Алматы облысы Жамбыл ауданының Қарғалы ауылындағы жинақтаушы карьердің аралшығында 2016 жылы туған баланың қалып қойғаны және жағаға жете алмай отырғаны туралы хабарлама келіп түскен.
Белгілі болғандай, жасөспірім су айдынында шомылып жүргенде оны ағыс кішігірім аралшыққа алып кеткен, сол жерде ол қайта алмай, көмек шақырған. Оқиғаны байқаған куәгер дереу 112 нөміріне қоңырау шалып, жағдай туралы хабарлаған.
"Оқиға орнына жедел түрде ТЖМ күштері мен құралдары жіберілді. Құтқарушылар құтқару шеңберінің көмегімен баланы жағаға эвакуациялады. Балаға медициналық көмек қажет болған жоқ", – дейді ТЖМ өкілдері.
ТЖМ ата-аналарға балаларды үнемі бақылауда ұстауды және су айдындарының жанында болуға жол бермеу қажеттігін ескертеді, ал қауіп төнген жағдайда немесе өздігінен шыға алмаған кезде дереу 112 нөміріне қоңырау шалу қажет.
