Оңтүстік Корея президенті Ли Чжэ Мен КХДР-ге елдер арасындағы ұзаққа созылған соғысты тоқтату туралы келіссөздерді бастауды ұсынды. Бұл туралы astana24.com Yonhap агенттігіне сілтеме жасап хабарлайды.
Оңтүстік Корея президенті Ли Чжэ Мен КХДР-ге соғысты тоқтату бойынша келіссөздерді бастауды, сондай-ақ Пхеньянның ядролық бағдарламасын дамытуды тоқтатудың нақты жолдарын талқылауды ұсынды. Ол Корей түбегінде бейбіт режим орнатамын деп уәде берді.
Оңтүстік Корея көшбасшысы бұл туралы Кореяның 1910-1945 жылдардағы Жапония отарынан азат етілуінің 81 жылдығына арналған салтанатты шара кезінде мәлімдеді.
"Бір-бірімізге қауіп төндіру ниетінен бас тартып, тікелей мүдделі тараптар ретінде ұзаққа созылған соғысты тоқтату туралы келіссөздерді бастайық.
Осы процесте біз Солтүстік Кореяның ядролық әлеуетін дамытуды тоқтатудың тиімді жолдарын да талқылай аламыз", – деді ол.
Оңтүстік Корея мен КХДР 1950-1953 жылдардағы Корей соғысы бейбіт келісіммен емес, бітімгершілікпен аяқталғаннан бері ресми түрде соғыс жағдайында қалып отырғаны атап өтілді.
Ли соғысты аяқтау үшін сапарға шығатынын мәлімдеді. Ол "тұрақсыз бітімгершілік жүйесін" бейбіт режиммен алмастыруды көздеп отыр.
Сонымен қатар басылым Ли Чжэ Мен 2025 жылдың маусымында билікке келгеннен бері Солтүстік Корея Сеулдің татуласуға бағытталған бірнеше рет жасаған қадамдарына салқынқандылық танытып келгенін де жазды.
