Айти-Нагояда өтіп жатқан 2026 жылғы Азия ойындарында Қырғызстанның ерлер футбол құрамасы Жапониядан ірі есеппен жеңілді, деп хабарлайды astana24.com.
Командалар А тобының екінші турындағы кездесуін Тойота қаласындағы аттас стадионда өткізді. Алаң иелері 7:0 есебімен жеңіске жетті.
Матчта Юмэки Йокояма (28-минутта), Сюто Нагано (36), Юто Одзеки (39) және Хисацугу Исии (72) бір-бір голдан салса, Юдаи Симамото дубль авторы атанды (79, 86). Ал Йотаро Накадзима пенальтиді сәтті орындады (70).
Қатарынан екінші рет жеңілген Қырғызстан құрамасы Азия ойындарының плей-офф кезеңіне шығу мүмкіндігінен айырылды. Команда қосымша көрсеткіштер бойынша Гонконгқа жол беріп, топтық кестенің соңында тұр.
Ал жапониялықтар Таиландпен бірге алты ұпай жинап, мерзімінен бұрын ширек финалға жолдама алды. Бұл командалар соңғы турдағы өзара кездесуде топ көшбасшысын анықтайды.
