Әлеуметтік желіде Жамбыл облысындағы қайғылы оқиға туралы ақпарат тарады. Өңірде арнайы жасақ инспекторы қайтыс болған. Полиция сотқа дейінгі тергеу басталғанын мәлімдеді, деп хабарлайды astana24.com.
Telegram-дағы Halyqstan арнасында жарияланған мәлімет бойынша, оқиға 28 мамырда таңертең Қордай аудандық полиция бөлімінде, жылдам қимылдайтын арнайы жасақ казармасының дәлізінде болған, онда 1995 жылы туған арнайы жасақ инспекторы өз-өзіне қол жұмсамақ болған.
"Оқиға орнына келген медицина қызметкерлері оны ауыр халде шұғыл орталық аудандық ауруханаға жеткізген.
Өкінішке қарай, ол сол кеште есін жимастан жансақтау бөлімінде қайтыс болған", – делінген хабарламада.
Жамбыл облыстық полиция департаменті NUR.KZ тілшісіне бұл факт бойынша ҚР Қылмыстық кодексінің 105-бабы (Өзін-өзі өлтіруге дейін жеткізу) бойынша сотқа дейінгі тергеу басталғанын хабарлады.
Қазіргі уақытта жан-жақты, толық және объективті тергеуге бағытталған қажетті тергеу шаралары жүргізіліп жатыр.
Қызметтік тексеру басталған. Алдын ала ақпарат бойынша, бұл жайт қызметпен байланысты емес.
Ведомство ҚР Қылмыстық-процестік кодекстің 201-бабына сәйкес, басқа деректер жарияланбайтынын мәлім етті.