"МузАРТ" тобының солисі, танымал әнші Кенжебек Жанәбілов ауруханада дауыс берді. Ол денсаулығына байланысты емханада жатқан болатын, деп хабарлайды Алматы қаласы Өңірлік коммуникациялар қызметіне сілтеме жасаған astana24.com.
Өңірлік коммуникациялар қызметінің мәліметінше, денсаулығына байланысты ем алып жатқан әртіс ел өміріндегі маңызды саяси оқиғадан тыс қалмаған. Ол дауыс беру үшін арнайы қарастырылған мүмкіндікті пайдаланды.
Осылайша Кенжебек Жанәбілов азаматтық жауапкершілік танытып, дауыс беруге қатысты.
Ол әр азамат ел тағдырына қатысты маңызды шешімдер қабылдауға үлесін қосуға тиіс екенін атап өтті.
"Бүгін мен таңдау жасадым. Сіздерді де дауыс беруге және ел болашағы үшін бар күш-жігерлеріңізді салуға шақырамын", – деді әнші.
