in

"Елім-ай" жаңа бас бапкерін таныстырды

Шотландиялық Питер Левен семейлік "Елім-айдың" жаңа бас бапкері атанды. Бұл туралы astana24.com футбол клубының ресми мәлімдемесіне сілтеме жасап хабарлайды.

43 жасар маманмен 2027 жылдың соңына дейін келісімшарт жасалды. Левеннің соңғы жұмыс орны – "Ротерхэм". Бұл клуб былтыр ағылшын футболының үшінші дивизионында өнер көрсетті, ал маман көмекші ретінде жұмыс істеді.

Левен бірнеше рет шотландиялық "Абердиннің" бас бапкері міндетін атқарды. Сондай-ақ ол шотландиялық "Килмарнокта", Бресттің беларусьтік "Динамосында" және ресейлік "Орынборда" көмекші болып жұмыс істеді, ағылшындық "Мидлсброның" жастар командасын басқарды.

Спорттық мансабында Левен жартылай қорғаушы позициясында ойнады. Ол шотландиялық және ағылшындық клубтарда өнер көрсетті, ал өз елінің жастар құрамасында төрт матч өткізді.

"Елім-айды" былтырғы маусымның көп бөлігінде Андрей Карпович басқарды. Ол отставкаға кеткеннен кейін команда жылды басқа қазақстандық маман Серікбек Қаппаровтың басшылығымен аяқтады.

Семейліктер Қазақстан премьер-лигасында алтыншы орынды иеленіп, еурокубоктерге өте алмады.

Посмотреть эту публикацию в Instagram

Публикация от «ЕЛІМАЙ» ФК | FC «ELIMAI» (@fc_elimai)