Малополь воеводствосының полициясы X әлеуметтік желісіндегі парақшасында Краков орталығында оқ атқан күдіктінің көз жұмғанын хабарлады, деп жазады astana24.com.
"Қайғылы оқиғаға кінәлі адам бүгін таңертең ауруханада қайтыс болғанын хабарлаймыз", – делінген мәлімдемеде.
Естеріңізге сала кетейік, бұған дейін Польшаның Краков қаласының орталығында атыс болғанын, қаза тапқандар мен жараланғандар бар екенін жазған едік.
Краковтағы атысқа байланысты Польшада 8 және 9 қараша қаралы күн деп жарияланды.
Кейінірек полицейлер күдіктінің үйінен бірнеше адамның мәйітін тапқаны хабарланды. Олар күдіктінің жақындары болуы мүмкін.
Краковтағы атыстан кейін прокуратура "терроризм" бабы бойынша іс қозғады.
Президент Қасым-Жомарт Тоқаев Краковтағы атыс салдарынан адамдардың қаза табуына байланысты Польша президенті Кароль Навроцкийге көңіл айтты.
